Rutzijol ri Molojri’ïl

Ri Champomal aj ri Iximulew nïm rusamaj  pa ruwi’ ruchajixik tzuqunem,  ruma  yeqato’ ri jalajöj molojri’ïl richin ri Saqamaq’ nkisamajij to’ïk richin tzuqumen wa’im, yekichajij, yekiyäk, yekik’ol k’ïy ruwäch rub’eyal tijel wa’im pa taq nima’q jay, richin yekito’ ri ach’alalri’ïl e k’o pa meb’a’ïl, kan nikijäch utziläj rub’eyal ri tijel tzuqunem.

Ri K’amöl rub’ey  ri molojri’ïl INDECA ruk’wan rub’ey chuqa’ nunük’ samaj chi Iximulew, ruma nub’än k’ïy ruwäch samaj achi’el nuyäk, nuchajij, chuqa’ yerujäch jastäq wa’im  tijel chi ke ri jalajöj molojri’ïl ri yesamäj pa ruwi’ to’ïk richin tzuqunem chi jun Iximulew, rije’  yekijäch ri  wa’im tijel kan k’a  ütz richin yekito’ ri  winaqi’ pa ruwi’ kiway.

K’a wakami kilon rub’eyal ri to’ïk chi ke konojel ri molojri’ïl yesamäj rik’in ri Saqamaq’ chuqa’ nkib’än ri samaj  re’, ke ri’ chuqa’ nik’atzin ri qato’ik chi ke, ruma re jun samaj re’ janila e kito’on ri winaqi’, ruma kik’ulun tijonïk pa ruwi’ samajib’äl, rub’eyal rusamajixik rijastäq wa’im tijel, ke ri chuqa’ kitikirisan samaj richin kan ütz kan pa rub’eyal ri jay akuchi’ yeyäk ri tijel wa’im.

K’a wakami k’o wuqu’ rupam samajay akuchi’ yekiyäk ri tijel tzuqunem, ye’ilitäj chupam ri tinamït re’: Fraijanes, Chimaltenango, Retalhuleu, Quetzaltenango, Tactic, Los Amates e Ipala, pa ri tinamït re’ eyakäl tzuqunem wa’im tijel achi’el ri ixim, kinäq’, ri mutz’ixim  ke ri chuqa’ tijel q’än ya’, jok’on tiko’n, k’ïy ruwäch ya’ richin naqüm po k’o  uchuq’aq’om  chupam. 

Rik’in ri samaj xqatzijoj yan kan ri molojri’ïl nuto’ rusamaj  ri Champomal  pa ruwi’ ruchajixik ri tzuqumen wa’im, niqaya’ rutzijol ri e k’o chupam: to’ïk chi ke ri winaqi’ e k’o pa meb’a’ïl ri e k’o ak’wala’ kik’in ri maani’ wo’o’ kijuna’,  ixoqi’ koyob’en kine’y, ixoqi’ k’a nkiya’ k’atz’umaj, to’ik pa taq tijob’äl kik’in kokoj ak’wala’, ke ri chuqa’ to’ïk chi ke winaqi’ ri kichajin k’ayewal ruma ruq’eqal jäb’ re’ winaqi’ re’ kik’ulun jub’a’ to’ïk pa ruwi’ tzuqunem wa’im.

Ri rayb’al richin re jun wachiwuj re’  nuya’ rutzijol ri samaj nib’än pa taq tinamït, samaj nib’än pa samajay, samaj pwaqil, rutzijol ri samaj nub’än ri molojri’ïl ri taqen chi rij chi nub’än chi Ixumulew, re re’ ruximon ri’ rik’in  ruya’ïk rutzijol ri Saqamaq’ ke ri chuqa’ kan pa saqil nub’än ronojel ri samaj.

Menú de cierre